Things got to be really bad in de country. People killing one another fuh couple box of biscuit; some killing fuh batteries and some killing demself fuh no reason. A young man tek a car and drive it into a fence. De fence post run through he.Then people gun talk how de fence wrang because if it wasn’t there de man woulda live.And to mek matters worse,Tyson Jackson Falcons Jersey UK, is a car de young man rent. He friend was inside and he foot break. But he thanking he lucky stars because he claim that it coulda been worse.Dem boys seh that all this happening because elections coming and people don’t want to vote and some don’t want other people to vote. Security guards got it rough because it look like if dem is de prime target. People walking round and looking fuh dem locations that got security guards. Dem boys seh that once dem see guards dem know that de location got something to protect.That is why dem government Ministries don’t have guards. Dem don’t have nutten; everything done disappear.And while dem talking bout that dem also notice that one shoe store clean up another. Bogus goods cause that. Now dem boys want to know when dem clothing store gun tackle each other fuh selling canta name brand.Talk half. Lef half.